Home / Lajme / Bejli: Mbështetja e SHBA-së ndaj Maqedonisë mbetet e njëjtë

Bejli: Mbështetja e SHBA-së ndaj Maqedonisë mbetet e njëjtë

Shkup, 9 Nëntor 2016
Mbështetja e SHBA-së ndaj Maqedonisë mbetet e njëjtë dhe nuk do të ndryshohet, deklaroi sot në mëngjes ambasadori amerikan Xhejs Bejli në pres qendrën në hotelin e Shkupit “Aleksandar Pallas” ku u ndoqën rezultatet nga zgjedhjet presidenciale në SHBA.
“Fushatat janë periudha për të nxjerrë në pah dallimet, derisa periudha post-zgjedhore në SHBA është kohë e bashkimit. Edhe tani kur fushata ka përfunduar, ne nga Ambasada dhe administrata do të kthehemi në punën tonë të ndërtimit të lidhjeve të mira mes Maqedonisë dhe SHBA-së”, tha Bjeli.
Ardhmëria e mirë, shtoi ambasadori amerikan, është diçka që është e përbashkët për të gjithë.
“Njerëzit nga Maqedonia dhe SHBA-ja duan prosporitet dhe arsim të mirë për fëmijët e tyre, si dhe paqe dhe progres në botë. Jo gjithmonë do të dakordohemi si të arrijmë deri te kjo, por qëllimi është gjithmonë i njëjtë”, deklaroi Bejli.
Theksoi se në çdo katër vite pikëpamjet e botës janë orientuar drejt SHBA-së dhe zgjedhjes së presidentit të ri.
Zgjedhja e presidentit, theksoi Bjeli, është punë serioze dhe pavarësisht gjithë kësaj zhurme që kjo fushatë e shkakton, ajo merret edhe me problemet e njerëzve të vërtetë, ekonominë, tregtinë, terrorizimin, arsimin dhe angazhimin e SHBA-së në botë.
Përkujtoi se votuesit amerikanë dje zgjodhën edhe 435 anëtarë të Kongresit, 34 senatorë, si dhe një numër të madh përfaqësuesish.
Theksoi se në karrierën e tij 31 vjeçare, ka shërbyer 15 vjet për republikanët, dhe 16 për demokratët. /Radio Vala

1,069 total views, 1 views today

About Kasam Selimi

Kasam Selimi është Gazetar Profesionit, i Diplomuar në Universitetin e Tetovës në Degën e Gazetarisë dhe në Institutin e Mediave të Maqedonisë. Është Anëtar i Shoqatës së Gazetarëve të Maqedonisë SHGM. Gjithashtu është edhe Anëtar i Federatës Ndërkombëtare të Gazetarëve (IFJ). Është i Regjistruar edhe i pranuar si përfaqësues sportiv nga Federata Evropiane e Futbollit UEFA, (F.A.ME) platform. Kasam Selimi është Ideator dhe Themelues i Dritares së parë Informative në gjuhën Shqipe në Gostivar RADIO VALA. Për herë të parë me gazetari ka filluar të merret në vitin 2005 si praktikant në Radio Gostivar, ndërsa nga viti 2007 aktivisht punon si Gazetar.

Check Also

KF Gostivari fituese ndaj mysafirëve nga Dubai, Masfout Sport Club

Gostivar, me 16 Gusht 2017 Klubi Futbollistik Gostivari ka fituar në miqësoren e fundit para …

Lini një Përgjigje