Home / Lajme / Halili: Muzeu i Alfabetit në qytetin e Manastirit do të ketë mbështetje institucionale

Halili: Muzeu i Alfabetit në qytetin e Manastirit do të ketë mbështetje institucionale

Manastir, me 22 Nëntor 2016

Me rastin e 22 nëntorit – Ditës së Alfabetit të Gjuhës Shqipe Zëvendës kryetari i Qeverisë së RM-së, dr. Festim Halili i shoqëruar nga funskionarë tjerë dhe përfaqësues të korit diplomatik ka vizituar Muzeun e Alfabetit në qytetin e Manastirit ku ka marrë pjesë në Konferencën me temë: “Kongresi i Manastirit dhe personalitetet e anëtarëve të Komisionit të Alfabetit”. Gjithashtu zëvendëskryeministri Halili ka marrë pjesë në inaugurimin e Dhomës Përkujtimore të Anëtarëve të Komisionit të Alfabetit.

Në këtë raste, zëvendëskryeministri Halili të gjithë shqiptarëve ua uroi Ditën e Alfabetit të Gjuhës Shqipe. Ai u shpreh se nuk do të mungoj mbështetja institucionale e Muzeut dhe se janë paraparë rritje të mjeteve nga buxheti për vitin e ardhshëm dhe do të vazhdohet me realizimin e projekteve tjera.

Nga Manastiri zëvendëskryeministri Halili ka dënuar edhe aktin vandal ku është dëmtuar Muzeu i Alfabetit. Ai tha se janë ndërmarrë të gjitha masat për zbardhjen e rastit.

“Sot para 108 viteve më parë në këtë shtëpi, u mblodhën delegatë nga të gjitha trevat shqiptare, por edhe nga mërgata me qëllim që të ulen të gjithë së bashku dhe të përpilojnë, njësimin e Abetares së unifikuar shqiptare, respektivisht të shkronjave shqipe. Kjo shtëpi ka shpirtin e delirësisë, ka shpirtin e arsimimit shqip, edhe pse herë pas here kjo shtëpi sulmohet me gurë e guralecë, por shpirti i kësaj shtëpia do të ngadhënjejnë gjithmonë, dhe se ABC-ja shqipe çdo herë do të përdoret, për të dërguar përpara shkencën, arsimin, popullin tonë, por edhe gjithë njerëzimin”, theksoi Halili në Manastir. /Radio Vala

592 total views, 1 views today

About RV2

Check Also

Bejta në Forinë paralajmëroi projektet kapitale (Video)

Gostivar, me 10 tetor – 2017 Forina ishte vatra e radhës e Kryetarit të Komunës …

Lini një Përgjigje