Home / Lajme / Mogerini në fillim të marsit do ta vizitojë Ballkanin dhe Maqedoninë

Mogerini në fillim të marsit do ta vizitojë Ballkanin dhe Maqedoninë

Bruksel, 22 shkurt 2017 – Përfaqësuesja e lartë e Bashkimit Evropian për Politikë të Jashtme dhe Siguri, Federika Mogerini, në fillim të muajit të ardhshëm do të realizojë mini-turne nëpër shtetet ballkanike, me ç’rast do ta vizitojë edhe Republikën e Maqedonisë, raportuan nga kabineti i Mogerinit.

Siç lajmëron korrespondenti i MIA-s nga Brukseli, prej datës 1 e deri më 4 mars, italianja në krye të politikës së jashtme dhe të sigurisë evropiane do t’i vizitojë Shqipërinë, Kosovën, BeH-në, Malin e Zi, Serbisë dhe Republikën e Maqedonisë.

Në prag të kësaj vizite, përfaqësuesja e lartë e BE-së deklaroi se kjo mini-turne e saj nëpër vendet ballkanike është me qëllim që të sigurohet “pakthyeshmëria e procesit të integrimit të këtyre vendeve në Union”.

“Për Bashkimin Evropian, puna me vendet nga Ballkani Perëndimor, rajon i cili është në zemër të Evropës, është prioritet kyç. Punoj për të parë se secili nga partnerët tanë në Ballkanin Perëndimor po lëvizë përpara në rrugën e reformave, të lëvizë drejt Bashkimit Evropian dhe të sigurohet se procesi është i pakthyeshëm. Bashkëpunimi rajonal dhe marrëdhëniet e mira fqinjësore mbeten me rëndësi thelbësore në këtë kontekst”, porosit Mogerini.

Gjatë vizitës në rajon, është planifikuar që Mogerini të takohet me autoritetet politike, përfshirë edhe përfaqësuesit e qeverive, por edhe me përfaqësues të partive politike dhe të parlamenteve. Ajo do t’i informojë ministrat e punëve të jashtme të BE-së për këtë vizitë në Këshillin për punë të jashtme muajin e ardhshëm. /Radio Vala

599 total views, 1 views today

About Kasam Selimi

Check Also

UEFA.com Fans’ Team of the Year 2017 announced

001 – A new record of almost 8.8 million votes was set A host of …

Lini një Përgjigje