Home / Lajme / Vazhdon bllokada në komunikacionin hekurudhor

Vazhdon bllokada në komunikacionin hekurudhor

Shkup, 22 shkurt 2017 – Komunikacioni hekurudhor në Maqedoni për të pestën ditë është ndërprerë tërësisht për shkak të protestës së të punësuarve të cilët kërkojnë pagesën e plotë të pagës së janarit.

Siç informojnë nga Stacioni hekurudhor në Shkup edhe sot nuk qarkullojnë trenat e pasagjerëve dhe ata transportues.

Sipas organizatorëve të protestës, Sindikata e pavarur e HM, SHM-Infrastruktura dhe SP – Makinisti, ndërprerja e komunikacionit do të vazhdojë derisa nuk plotësohen kërkesat e vendosura për pagesën e plotë të pagës për janarin.

Prej “Hekurudhave të Maqedonisë – Transport” dje kumtuan se deri në fund të muajit do të gjejnë mënyra për ta paguar pjesën e parë të pagës së janarit, ndërsa prej më 10 mars edhe pjesën e dytë të pagës, që, për sindikatat organizatore të protestës është e papranueshme dhe insistojnë për pagesën e plotë.

HM Transport informoi se në bashkëpunim me Qeverinë duhet të finalizohet edhe vendimi për zgjidhjen më afatgjatë të gjendjes në Hekurudhat e Maqedonisë.

/Radio Vala

874 total views, 1 views today

About Kasam Selimi

Check Also

UEFA.com Fans’ Team of the Year 2017 announced

001 – A new record of almost 8.8 million votes was set A host of …

Lini një Përgjigje