Home / Lajme / Kriza me refugjatët ishte e re për Maqedoninë dhe me kërkesa specifike

Kriza me refugjatët ishte e re për Maqedoninë dhe me kërkesa specifike

Shkup, 23 shkurt 2017 – “Leksione të mësuara dhe përgjigje ndaj nevojave humanitare në krizën e refugjatëve dhe emigrantëve në Republikën e Maqedonisë” është tema e punëtorisë së sotme e cila u mbajt në Shkup, qëllimi i së cilës është të ndahen përvojat dhe të avancohet sistemi i mbrojtjes së emigrantëve dhe refugjatëve në rast të një situate të tillë të ngjashme.

“kjo është mënyrë që të shqyrtohen të gjitha anët e mira, por edhe të këqijat nga periudha e kaluar. Ajo që është mirë të gjejmë mekanizma për ta përmirësuar në periudhën në vijim, është ajo që është keq ta përmirësojmë dhe të mos lejojmë që të përsëriten gabimet”, tha ministri i Punës dhe Politikës Sociale, Ibrahim Ibrahimi.

Potencoi se prej fillimit të vitit 2015 e deri në mars të vitit 2016, si vend transit, nëpër Maqedoni kanë kaluar pothuajse 800.000 refugjatë dhe emigrantë drejt vendeve të Evropës perëndimore si vende të tyre të destinacionit.

Edhe pse, tha ai, Republika e Maqedonisë ka pasur edhe përvoja me valë masovike të refugjatëve, si dhe të pranimit të refugjatëve nga rajoni megjithatë kriza e fundit e refugjatëve ishte e re, edhe në kontekst më të gjerë të migrimit, si dhe në kërkesat specifike dhe sfidat lidhur me kujdesin adekuat të refugjatëve dhe emigrantëve.

Me mbetjen e atyre njerëzve në Gjevgjeli dhe Tabanoc, potencoi, ndërmorëm obligim ndaj tyre si shtet të kenë qëndrim dinjitoz.

Në Maqedoni për momentin ka rreth 100 emigrantë në qendrat e pranimit në Gjevgjeli dhe Tabanoc dhe 30 në Qendrën për azil në Vizbeg. Ata 30 persona tashmë kanë kërkuar azil në Republikën e Maqedonisë.

Përfaqësuesi i UNICEF-it, Elspet Erikson konsideron se debatet e këtilla janë shembull i ajshtëzakonshëm për bashkëpunim dhe mënyrë të mirë se si të shqyrtohen gabimet, në mënyrë që të mos përsëriten por edhe të përmirësohet sistemi i mbrojtjes.

Shtoi se kthimi i përvojave nga dy vitet e kaluara mund të shërbejë si shembull për atë se si duhet të veprohet gjatë ndonjë gjendje të tillë të mundshme. Në mënyrë të këtillë, tha, do të mund t’u ndihmojmë fëmijëve të cilët janë ende këtu, por edhe të bëjmë sistem për ndihmë fëmijëve të cilët ndoshta në të ardhmen do të mund të vijnë në rast të dukurisë së ngjashme. /Radio Vala

463 total views, 1 views today

About Kasam Selimi

Check Also

Të Dielën në Lyss mbahet BESA CUP 2017

Të Dielën me 17 Dhjetor 2017, në Lyss të Kantonit të Bernit do të zhvillohet …

Lini një Përgjigje