Home / Lajme / Ahmeti: Shqyrtohet edhe opsioni që BDI-ja të mbetet në opozitë

Ahmeti: Shqyrtohet edhe opsioni që BDI-ja të mbetet në opozitë

Kryetari i Bashkimit Demokratik për Integrim (BDI) Ali Ahmeti para seancës së sotme të Kryesisë së partisë që mbahet në selinë në Reçicë të Madhe deklaroi se do të bisedojnë për disa opsione për pjesëmarrjen eventuale të partisë në qeverinë e re.

Në pyetje të gazetarëve, lideri i BDI-së u përgjigj se do të bisedohet edhe për opsionin që BDI-ja të mbetet në opozitë.

Në selinë e partisë në Reçicë të Madhe arritën anëtarë të kryesisë së BDI-së, e cila duhet t’i vazhdojë bisedimet e brendshme politike për përbërjen e qeverisë së re me LSDM-në, por nuk ka informacion nëse takimi ka filluar.

Paraprakisht sot Ahmeti në takimin me ministri britanik për Evropë dhe Amerikë Allan Dankan paralajmëroi se në takim do të bisedohet për mundësitë dhe për opsionet e BDI-së, duke i marrë parasysh rezultatet e zgjedhjeve, por gjithashtu duke i përfshirë edhe mundësitë e qëndrimit të partisë në opozitë.

Ahmeti theksoi edhe se në sjelljen e vendimit të tij do ta marrë parasysh rolin e votuesve të BDI-së, por edhe pritjet e qytetarëve dhe miqve ndërkombëtarë.

“Vendin e presin shumë sfida dhe BDI-ja do të ketë rol kontruktiv”, theksoi Ahmeti, sipas kumtesës së partisë.

770 total views, 1 views today

About Kasam Selimi

Check Also

Talenti shqiptar i FC Biel/Biennit, Auron Murtaj (Video)

Auron Murtaj 01.01.2008 ( 10 Vjet ) Madhësia: 1.45m Klubi aktual : FC Biel / …

Lini një Përgjigje