Home / Lajme / Fillon gjykimi për “skandalin më të madh korruptues” në historinë e Greqisë

Fillon gjykimi për “skandalin më të madh korruptues” në historinë e Greqisë

Para Gjykatës së Apelit në Athinë sot fillon procesi gjyqësor për kontratën ndërmjet telekomit grek OTE dhe kompanisë gjermane “Simens” prej vitit 1997, e cila në Greqi vlerësohet si “skandali më i madh korruptues” në historinë e vendit.

Të akuzuarit në proces ngarkohen për pagesë të mitmarrjes në vlerë prej “miliona eurove” nga fondet e fshehta të gjigantit gjerman të përfaqësuesve të lartë zyrtarë grekë.

Gjykimi duhej të fillonte vitin e kaluar në korrik, por u shty sepse konkludimet e Gjykatës nuk ishin përkthyer në gjuhën gjermane në mënyrë që t’u parashtrohen palëve të akuzuara, që shkaktoi reagime të ashpra në opinion, duke pasur parasysh se i tërë procesi po zgjat mbi 10 vite.

Në proces janë akuzuar 64 persona – shtetas grekë dhe gjermanë. Sipas mediumeve greke, në bazë të akteve të prokurorisë, disa nga të akuzuarit do të mund të marrin edhe dënime të përjetshme me burg.

Kontesti ka të bëjë për marrëveshje të lidhur në vitin 1997 ndërmjet OTE, atëherë në pronësi shtetërore dhe “Simens” për furnizim të pajisjes për modernizim të infrastrukturës teknologjike të telekomit grek për nevojat e Lojërave olimpike në Athinë në vitin 2004.

Të akuzuarit pohojnë se kompania gjermane përfaqësuesve të lartë grekë u ka paguar shuma të mëdha për mitmarrje.

619 total views, 1 views today

About Kasam Selimi

Check Also

Talenti shqiptar i FC Biel/Biennit, Auron Murtaj (Video)

Auron Murtaj 01.01.2008 ( 10 Vjet ) Madhësia: 1.45m Klubi aktual : FC Biel / …

Lini një Përgjigje