Home / Lajme / Gjendja në Ballkanin Perëndimor temë e Samitit të ardhshëm të BE-së

Gjendja në Ballkanin Perëndimor temë e Samitit të ardhshëm të BE-së

Shefat e shteteve apo qeverive të anëtareve të Bashkimit Evropian në Samitin e ardhshëm të Këshillit evropian, që do të mbahet më 9 dhe 10 mars në Bruksel, do të bisedojnë edhe për “gjendjen e tensionuar në Ballkanin Perëndimor”.

Siç lajmëroi korrespondenti i MIA-s nga Brukseli, edhe pse Samiti pranveror i Eurokëshillit rregullisht i është kushtuar temave ekonomike, kësaj radhe me propozim të disa shteteve do të bisedohet për tensionet gjithnjë e më të mëdha në rajonin ballkanik, pjesë e të cilit është edhe Maqedonia.

Pikërisht kriza afatgjate politike që mund të shndërrohet në ndëretnike në Maqedoni, por edhe problemet pothuajse identike në Kosovë, BeH dhe Shqipëri, shkaktuan që njerëzit e parë të BE-së të bisedojnë për Ballkanin Perëndimor, me qëllim që t’u jepet edhe një mbështetje vendeve nga rajoni për perspektivën e tyre evropiane.

Nga këto shkaqe, sipas informatave nga Brukseli, përfaqësuesja e lartë e BE-së për politikë të jashtme dhe siguri, Federika Mogerini javën e ardhshme do t’i vizitojë Maqedoninë, Shqipërinë, Kosovën, Serbinë, Malin e Zi dhe BeH-në, pas çka duhet të përgatitë raport i cili do t’u prezantohet liderëve të BE-së.

Duke pasur parasysh atë që pas referendumit të Britanisë së Madhe për dalje, ka filluar procesi i daljes së Mbretërisë së Bashkuar nga BE-ja, ky Samit i Këshillit Evropian do të fillojë me bisedën me kryeministren britanike Tereza Mej, por pas përfundimit të pjesës formale, liderët e tjerë të 27 vendeve-anëtare të Unionit veçanërisht gjithashtu do të vendosin edhe për temat ekonomike dhe për Ballkanin Perëndimor.

1,784 total views, 3 views today

About Kasam Selimi

Kasam Selimi është Gazetar Profesionit, i Diplomuar në Universitetin e Tetovës në Degën e Gazetarisë dhe në Institutin e Mediave të Maqedonisë. Është Anëtar i Shoqatës së Gazetarëve të Maqedonisë SHGM. Gjithashtu është edhe Anëtar i Federatës Ndërkombëtare të Gazetarëve (IFJ). Është i Regjistruar edhe i pranuar si përfaqësues sportiv nga Federata Evropiane e Futbollit UEFA, (F.A.ME) platform. Kasam Selimi është Ideator dhe Themelues i Dritares së parë Informative në gjuhën Shqipe në Gostivar RADIO VALA. Për herë të parë me gazetari ka filluar të merret në vitin 2005 si praktikant në Radio Gostivar, ndërsa nga viti 2007 aktivisht punon si Gazetar.

Check Also

Bejta në Forinë paralajmëroi projektet kapitale (Video)

Gostivar, me 10 tetor – 2017 Forina ishte vatra e radhës e Kryetarit të Komunës …

Lini një Përgjigje