Home / Lajme / Seminar për të drejtat e fëmijëve me pengesa

Seminar për të drejtat e fëmijëve me pengesa

Fëmijët me aftësi të kufizuara përmes thjerrëzës së Konventës të KB-së për të drejtat e personave me aftësi të kufizuara, është tema e seminarit kombëtar që do të mbahet sot në Shkup, në organizim të Këshillit kombëtar të organizatave invalidore të Maqedonisë (NSIOM), në bashkëpunim me Forumin evropian për aftësi të kufizuara (EDF) dhe UNICEF-in.
Seminari organizohet në suaza të projektit “Mbrojtje e fëmijëve nga dhuna dhe avancim në kyçjen sociale të fëmijëve me aftësi të kufizuara në Ballkanin Perëndimor dhe në Turqi” financuar nga BE-ja dhe bashkëfinancuar dhe implementuar nga UNICEF-i së bashku me EDF.

“Fëmijët me aftësi të kufizuara kanë nevojë për mbështetje gjithëpërfshirëse dhe fleksibile që të marrin pjesë në shoqëri në bazë të barabartë me fëmijët e tjerë. Edhe pse është bërë progres i konsiderueshëm në nivel të kornizës rregullatore, fëmijët me aftësi të kufizuara ende ballafaqohen me vështirësi të konsiderueshme në arritjen drejt shërbimeve të qasshme dhe cilësore të shërbimit. Gjithashtu, dhuna është realitet i përditshëm për qindra fëmijë në vendet e Evropës Juglindore”, njoftoi Këshilli kombëtar për organizata invalidore.
Në seminar do të mbajë fjalim edhe ministri i Punës dhe Politikës Sociale Ibrahim Ibrahimi.

277 total views, 1 views today

About Kasam Selimi

Kasam Selimi është Gazetar Profesionit, i Diplomuar në Universitetin e Tetovës në Degën e Gazetarisë dhe në Institutin e Mediave të Maqedonisë. Është Anëtar i Shoqatës së Gazetarëve të Maqedonisë SHGM. Gjithashtu është edhe Anëtar i Federatës Ndërkombëtare të Gazetarëve (IFJ). Është i Regjistruar edhe i pranuar si përfaqësues sportiv nga Federata Evropiane e Futbollit UEFA, (F.A.ME) platform. Kasam Selimi është Ideator dhe Themelues i Dritares së parë Informative në gjuhën Shqipe në Gostivar RADIO VALA. Për herë të parë me gazetari ka filluar të merret në vitin 2005 si praktikant në Radio Gostivar, ndërsa nga viti 2007 aktivisht punon si Gazetar.

Check Also

KF Gostivari fituese ndaj mysafirëve nga Dubai, Masfout Sport Club

Gostivar, me 16 Gusht 2017 Klubi Futbollistik Gostivari ka fituar në miqësoren e fundit para …

Lini një Përgjigje