Home / Lajme / Departamenti i Shtetit bën thirrje për formim të shpejtë të Qeverisë

Departamenti i Shtetit bën thirrje për formim të shpejtë të Qeverisë

Shkup, 28 shkurt 2017 – Departamenti i Shtetit përmes një kumtese me shkrim sërish bën thirrje për formim të shpejtë të Qeverisë në Republikën e Maqedonisë, me qëllim që t’i jepet fund krizës politike.

“Së bashku me aleatët tanë të NATO-s dhe partnerët në BE, SHBA-ja me kujdes e ndjek procesin e formimit të Qeverisë në Maqedoni, që vijoi pas zgjedhjeve parlamentare më 11 dhjetor, të vitit 2016. SHBA-ja u bën thirrje liderëve në Maqedoni të formojnë qeveri të re, pa vonesë të mëtejme, dhe tërë kjo të jetë në pajtim me Kushtetutën dhe aspiratat e vendit për anëtarësim në Bashkimin Evropian dhe NATO”, theksohet në kumtesën e Departamentit të Shtetit.

Theksohet se formimi i qeverisë së re, kushtuar sundimit të së drejtës dhe zbatimit të reformave të nevojshme, do të ndihmojë t’i jepet fund krizës politike e cila seriozisht e ngadalësoi zhvillimin demokratik dhe ekonomik të Maqedonisë, si dhe integrimin e saj euro-atlantik.

“Shtetet e Bashkuara të Amerikës u bëjnë thirrje të gjitha partive, interesat e Maqedonisë dhe qytetarët e saj t’i vendosin mbi të gjitha, të kenë bashkëpunim konstruktiv dhe tërësisht t’i implementojnë të gjitha përcaktimet e tyre sipas marrëveshjes së Përzhinos”, theksohet në kumtesën e Zyrës së ushtruesit të detyrës zëdhënës i Departamentit të Shtetit, Mark Toner. /Radio Vala

603 total views, 1 views today

About Kasam Selimi

Check Also

Talenti shqiptar i FC Biel/Biennit, Auron Murtaj (Video)

Auron Murtaj 01.01.2008 ( 10 Vjet ) Madhësia: 1.45m Klubi aktual : FC Biel / …

Lini një Përgjigje