Home / Lajme / Mogerini nesër për vizitë në Maqedoni

Mogerini nesër për vizitë në Maqedoni

Përfaqësuesja e lartë për politikë të jashtme dhe siguri e Bashkimit Evropian, Federika Mogerini, nesër do ta vizitojë Republikën e Maqedonisë në kuadër të mini-turnesë së saj nëpër shtetet ballkanike.
Në prag të vizitës, përfaqësuesja e BE-së, deklaroi se kjo mini-turne e saj nëpër shtetet ballkanike është me qëllim të sigurohet “pakthyeshmëria e procesit të integrimit të këtyre vendeve në Union”.

“Për Bashkimin Evropian, puna me vendet e Ballkanit Perëndimor, rajon i cili është në zemrën e Evropës, është prioritet kyç. Punoj që të shoh se çdo ditë e partnerëve tanë të Ballkanit Perëndimor lëviz përpara në rrugën e reformave, lëviz drejt Bashkimit Evropian dhe të sigurohet se procesi është i pakthyeshëm. Bashkëpunimi rajonal dhe marrëdhëniet e mira fqinjësore kanë rëndësi esenciale në këtë kontekst”, porositi Mogerini.
Italiania në krye të sigurisë evropiane dhe politikës së jashtme deri më 4 mars do ta vizitojë Shqipërinë, Bosnjë e Hercegovinën, Kosovën, Malin e Zi, Serbinë dhe Maqedoninë. Gjatë vizitës në rajon, Mogerini do të takohet me autoritetet politike, duke i përfshirë edhe përfaqësuesit e qeverive, me përfaqësues të partive politike dhe të parlamenteve. Ajo do t’i informojë ministrat e punëve të jashtme të BE-së për këtë vizitë në Këshillin për punë të jashtme gjatë muajit të ardhshëm. /RadioVala

403 total views, 1 views today

About Kasam Selimi

Kasam Selimi është Gazetar Profesionit, i Diplomuar në Universitetin e Tetovës në Degën e Gazetarisë dhe në Institutin e Mediave të Maqedonisë. Është Anëtar i Shoqatës së Gazetarëve të Maqedonisë SHGM. Gjithashtu është edhe Anëtar i Federatës Ndërkombëtare të Gazetarëve (IFJ). Është i Regjistruar edhe i pranuar si përfaqësues sportiv nga Federata Evropiane e Futbollit UEFA, (F.A.ME) platform. Kasam Selimi është Ideator dhe Themelues i Dritares së parë Informative në gjuhën Shqipe në Gostivar RADIO VALA. Për herë të parë me gazetari ka filluar të merret në vitin 2005 si praktikant në Radio Gostivar, ndërsa nga viti 2007 aktivisht punon si Gazetar.

Check Also

Bejta takoi banorët e Llakavicës, Turçanit dhe Çajlës, Infrastruktura moderne shtylla e parë drejt Gostivarit të Nesërm (Video)

Gostivar, me 12 tetor – 2017 Kryetari i Komunës dhe njëkohësisht kandidati për Gostivarin z. …

Lini një Përgjigje