Home / Lajme / Opozita shqiptare hodhi miell ndaj Qeverisë në Tiranë

Opozita shqiptare hodhi miell ndaj Qeverisë në Tiranë

Me hedhjen e miellit ndaj objektit qeveritar, simbol që tregon se opozita e sheh qeverinë të lidhur me trafikun e drogës dhe të kanabisit, demokratët treguan shqetësimin e tyre kryesor për zgjedhjet.
Sipas llogarive të opozitës, siç transmeton TCH, gjatë vitit të kaluar në Shqipëri janë mbjellë tetë milionë rrënjë, ose 3,2 milionë kg kanabis.
“Dhe tani që zgjedhjet po afrojnë, plani është që së bashku me drogmenët dhe trafikantët e tjerë, me paratë e narkotrafikut të blejnë zgjedhjet e shqiptarëve”, theksoi Basha.

Kreu i opozitës është i bindur se do ta fitojë betejën për zgjedhjet dhe në planin e tij për rikthimin e sigurisë në vend dhe luftën kundër narkotrafikut bën pjesë edhe Xhandarmëria.
“Pjesë e këtij plani kombëtar është edhe krijimi i Xhandarmërisë kombëtare shqiptare, si një bashkëpunim midis Forcave të Armatosura të republikës së re dhe policisë për të siguruar rendin dhe luftën kundër drogës në çdo pëllëmbë të republikës së re, në çdo pëllëmbë të territorit”, deklaroi Basha.
Zgjedhjet e lira, sipas Bashës zgjidhin edhe çështjen e drejtësisë së pakapur nga pushteti.
“Nuk ka drejtësi me një qeveri të inkriminuar. Nuk mund të ketë drejtësi pa zgjedhje të lira dhe të ndershme. Do të ketë drejtësi vetëm përmes zgjedhjeve të lira dhe të ndershme, si dhe një qeverie pa konflikt interesi me krimin. Zgjedhjet e lira dhe drejtësia e vërtetë shkojnë bashkë. Kush thotë se këto funksionojnë veç e veç është gënjeshtar, është mashtrues, është i inkriminuar”, tha Basha.

Zgjedhjet parlamentare në Shqipëri janë caktuar për më 18 qershor./RadioVala

347 total views, 1 views today

About Kasam Selimi

Check Also

Të Dielën në Lyss mbahet BESA CUP 2017

Të Dielën me 17 Dhjetor 2017, në Lyss të Kantonit të Bernit do të zhvillohet …

Lini një Përgjigje