Home / Lajme / Panair për ndërtimtari: Efikasiteti energjetik nxitës i zhvillimit ekonomik

Panair për ndërtimtari: Efikasiteti energjetik nxitës i zhvillimit ekonomik

Panair për ndërtimtari: Efikasiteti energjetik nxitës i zhvillimit ekonomik

Shkup, 28 shkurt 2017 – Shfrytëzim optimal i resurseve dhe energjisë nëpër shtëpi dhe mjediset e punës nuk është luks dhe privilegj, por kusht që duhet të sigurojë ardhmëri më të mirë, u tha në hapjen e sotme të Panairit të 14-të për ndërtimtari dhe patundshmëri.

Sipas drejtorit të Agjencisë për Energjetikë të RM-së Aleksandar Dukovski, efikasiteti energjetik është derivati i parë për zhvillim ekonomik të Maqedonisë, por edhe për ruajtjen e mjedisit jetësor.

Në tre vitet e fundit janë sjellë disa ndryshim kyçe në ligjet për ndërtim dhe për energjetikë, ndërsa janë miratuar, tha Dukovski, edhe rregullore të cilat më hollësisht e rregullojnë sektorin e efikasitetit energjetik në ndërtimtari dhe ta vendosin obligimin që efikasiteti energjetik të jetë pjesë përbërëse e çdo objekti që do të ndërtohet në vend.

Duke u përqendruar në faktin se me zgjidhjet efikase energjetike mundësohet mjedis më i pastër jetësor, përkujtoi në rritjen e ndotjes këtë dimër.

Qëllimi i Panairit të sivjemë të ndërtimtarisë është që ta mbajë dhe promovojë rritjen e kësaj dege ekonomike dhe t’u ofrojë vizitorëve qasje të drejtpërdrejtë deri te kompanitë më të mira, të cilat funksionojnë në këtë sektor. Pritet që panairin ta vizitojnë edhe një numër i madh i ekspertëve, të cilët do të kenë mundësi të njoftohen me trendet e reja në ndërtimtari.

Promovimi i efikasitetit energjetik në Panairin e ndërtimtarisë mbështetet nga Ambasada e Zvicrës në Republikën e Maqedonisë përmes Programit për rritje të punësimit tregtar (IME – Increasing Market Employability). Bëhet fjalë për program të Agjencisë zvicerane për zhvillim të bashkëpunimit (SDC) e implementuar nga partneri udhëheqës Swisscontact, në bashkëpunim me partnerin lokal PREDA Plus.

Çmimi i biletës për vizitorët do të jetë 80 denarë, ndërsa për vizitë në grupe është 40 denarë. /Radio Vala

507 total views, 1 views today

About Kasam Selimi

Check Also

Talenti shqiptar i FC Biel/Biennit, Auron Murtaj (Video)

Auron Murtaj 01.01.2008 ( 10 Vjet ) Madhësia: 1.45m Klubi aktual : FC Biel / …

Lini një Përgjigje