Home / Lajme / Nga diabeti në Maqedoni në vit vdesin 20.000 njerëz

Nga diabeti në Maqedoni në vit vdesin 20.000 njerëz

Shkup, 1 mars 2017 – Sipas të dhënave statistikore botërore të përpiluara sipas numrit të banorëve, 20.000 njerëz në vit në Maqedoni vdesin nga komplikimet të cilat i shkakton diabeti.

Këtë sot e theksoi drejtori i Spitalit Special “Filipi i Dytë”, Zhan Mitrev, i cili tha se sipas të dhënave të tyre për pacientë, ka rritje të vazhdueshme të numrit të të sëmurëve nga diabeti, të cilët kërkojnë edhe shumë operacione të ndërlikuara dhe të vështira.

“Në popullsinë tonë të përgjithshme të pacientëve të cilët i kemi ,rreth 70 për qind janë me diabet. Diabeti është epidemi në nivel botëror dhe është sëmundje e kontrolluar e cila mundet shumë mirë të rregullohet dhe pacientët të arrijnë edhe moshë të thellë, ndërsa nëse nuk rregullohet pasojat janë katastrofale”, theksoi Mitrev.

Sipas tij, është shumë e rëndësishme mënyra e të ushqyerit, sepse gjithnjë e më shumë ballafaqohemi me ushqim të industrializuar, ushqim fabrike e cila është shumë e ngarkuar me karbohidrate. Me prirje trashëgimore dhe ushqim të parregullt, sqaroi se shumë shpejt vjen deri në diabet.

Theksoi se diabeti e prish organizimin dhe ka komplikime në tërë trupin, duke filluar nga humbja e shikimit, funksionin e veshkëve, imunitetin, prirje ndaj infeksioneve të ndryshme, ndërsa ajo që është kryesore nga e cila kryesisht vdiset janë sëmundjet kardiovaskulare.

Theksoi se me rastin e shënimit të 17-të vjetorit të ekzistimit të Spitalit Special “Filipi i Dytë” dhe një vit punë në hapësirat reja, sot mbahet takimi punues edukativ në temën “Diabeti dhe sëmundjet kardiovaskulare” në të cilin do të marrin pjesë ligjërues nga SHBA-ja, mes të cilëve edhe Piter Batler. /Radio Vala

970 total views, 1 views today

About Kasam Selimi

Kasam Selimi është Gazetar Profesionit, i Diplomuar në Universitetin e Tetovës në Degën e Gazetarisë dhe në Institutin e Mediave të Maqedonisë. Është Anëtar i Shoqatës së Gazetarëve të Maqedonisë SHGM. Gjithashtu është edhe Anëtar i Federatës Ndërkombëtare të Gazetarëve (IFJ). Është i Regjistruar edhe i pranuar si përfaqësues sportiv nga Federata Evropiane e Futbollit UEFA, (F.A.ME) platform. Kasam Selimi është Ideator dhe Themelues i Dritares së parë Informative në gjuhën Shqipe në Gostivar RADIO VALA. Për herë të parë me gazetari ka filluar të merret në vitin 2005 si praktikant në Radio Gostivar, ndërsa nga viti 2007 aktivisht punon si Gazetar.

Check Also

Bejta në Forinë paralajmëroi projektet kapitale (Video)

Gostivar, me 10 tetor – 2017 Forina ishte vatra e radhës e Kryetarit të Komunës …

Lini një Përgjigje