Home / Komunat / Arifi takon ambasadorin e BE-së në Maqedoni, Zhbogar: Çertifikatë për bashkëpunimin e shkëlqyer

Arifi takon ambasadorin e BE-së në Maqedoni, Zhbogar: Çertifikatë për bashkëpunimin e shkëlqyer

Kryetarja e komunës së Tetovës, znj. Teuta Arifi shprehi kënaqësinë e veçantë që priti në takim ambasadorin e BE-së në Maqedoni, z. Samuel Zhbogar, si dhe ambasadorin e Republikës së Sllovenisë në Maqedoni, z. Milan Jazbec. Gjatë takimit me të pranishmit u bisedua për programe zhvillimore dhe bashkëpunim konkret midis komunës së Tetovës dhe këtyre përfaqësive diplomatike, me ç’rast, znj. Arifi shprehi falenderimin e saj për mbështetjen e tyre të pakursyer për komunën dhe qytetarët e saj.

Ajo në veçanti falenderoi ambasadorin Zhbogar për përkrahjen në projektin më të madh që komuna e Tetovës ka arritur gjer më tani, i cili është i finansuar nga IPA fondet dhe do të ndihmojë në realizimin e filter stacionit për filtrim të ujërave të zeza. Znj. Arifi poashtu falenderoi edhe ambasadorin slloven, z. Jazbec, për programet bilaterale me Republikën e Sllovenisë nga të cilat ka përfituar komuna e Tetovës. Ajo ritheksoi se Republika e Sllovenisë ka qenë mike dhe përkrahëse e përhershme e qytetit të Tetovës.

Ambasadori i i BE-së, z. Zhbogar në fund të këtij takimi i dhuroi Kryetares Arifi një çertifikatë për bashkëpunimin e shkëlqyer që ka patur në vijimësi komuna e Tetovës me përfaqësinë e BE-së, duke vënë theksin mbi projektin më të madh gjer më tani, siç e quajti znj. Arifi, pra atë për impiantin e ujërave të zeza. Z. Zhbogar theksoi se me kampanjën “Evropa për ty” ka filluar dhe mandati i tij dhe është pikërisht kjo kampanjë ajo që i jep kuptim atij për atë se çfarë është e rëndësishme për qytetarët në këtë vend.

Përderisa në Shkup bisedohet për çështje nga politika e lartë, ku gjërat duken më dramatike apo emocionale, gjatë takimeve nëpër komuna, fitohet kuptimi se njerëzit janë të interesuar më shumë për çështje si uji i pastër për pije, ajri i pastër, arsimimi, vendet e punës dhe një sërë çështjesh të tjera që kanë të bëjnë me ngritjen e standardit jetësor. Prandaj, ai ritheksoi se i pret me padurim bashkëpunimet me komunat në projekte të përbashkëta dhe i gëzohet bashkëpunimit me komunën e Tetovës në të ardhmen.

Ambasadori i Republikës së Sllovenisë, z. Jazbec, poashtu shprehi kënaqësinë për bashkëpunimin bilateral që ka patur me komunën e Tetovës, duke përmendur alokimin e një fondi prej 150.000-200.000 euro nga Sllovenia në kuadër të programit për Zhvillim dhe bashkëpunim i cili do të ndihmojë në përmirësimin e instalimit të ndriçimit rrugor. Ambasadori Jazbec poashtu përmendi edhe një projekt tjetër i cili fokusohet në gratë diplomate, të cilat punojnë në Ministrinë e Punëve të Jashtme, i cili do të vërë theksin mbi mundësitë e barabarta të këtyre grave të cilat japin kontributin e tyre për diplomacinë e vendit. Këto projekte, siç theksoi ambasadori Jazbec, përkojnë dhe me ambicjet e znj. Arifi dhe poashtu kanë të bëjne edhe me politikën e lartë të vendit.

2,278 total views, 1 views today

About Kasam Selimi

Check Also

Arbenit Xhemajli qëndron te Neuchâtel Xamax FCS

Neuchatel, më 13 Qershor 2018 Mbrojtësit kosovar, Arbenit Xhemajli i është zgjatur kontrata edhe një …

Lini një Përgjigje