Home / Komunat / Komuniteti Rom në Gostivar nderohet me ngritjen e flamurit Kombëtar para objektit të Komunës

Komuniteti Rom në Gostivar nderohet me ngritjen e flamurit Kombëtar para objektit të Komunës

Kryetari Bejta priti një delegacion të komunitetit Romë me rastin e ditës ndërkombëtare të tyre

Gostivar, me 8 Prill – 2017

Me rastin e ditës ndërkombëtare të Romëve, 8 Prilli, kryetari i Komunës së Gostivarit Nevzat Bejta, priti në kabinetin e tij një delegacion të komunitetit Romë të kryesuar nga këshilltari komunal, Kashmir Saliu.

“Sot pata nderin që në kabinetin tim të takoi përfaqësuesit e komunitetit Romë së bashku me këshilltarin nga radhët e këtij komuniteti, Kashmir Saliu, me rastin e ditës botërore të Romëve. Sot është 8 Prilli, festa më e madhe e komunitetit Romë. Për mua si kryetar dhe administratën e Komunës së Gostivarit, ishte kënaqësi që të takoi delegacionin e komunitetit Romë. Kjo ditë për komunitetin Romë dhe qytetarët e Gostivarit është një ditë e veçantë. Për të dytin vit me radhë, kemi krijuar traditë që pjesëtarët e komunitetit Romë të vendosin para shtyllave të objektit të Komunës, flamurin e tyre nacional. Në rrugët kryesore të qytetit, po ashtu, vendoset flamuri i tyre, dhe me këtë të gjithë ne e kuptojmë që sot është dita ndërkombëtare e Romëve”, tha kryetari Bejta pas takimit.

Këshilltari Kashmir Saliu, me këtë rast falënderoi kryetarin e Komunës së Gostivarit, Nevzat Bejta për përkushtimin e treguar ndaj komunitetit Romë në qytetin e Gostivarit.

“Sot është 8 Prilli, dita botërore e Romëve dhe në Maqedoni festohet si festë zyrtare nga viti 2007, kur në Parlament deputeti Shaban Saliu propozoi amendamentin që festa të bëhet zyrtare dhe ne e falënderojmë për kontributin e tij. Dëshiroj që të informojë qytetarët që në Gostivar tash e disa vite kjo festë kremtohet si asnjëherë më parë. Çdo herë kur vjen kjo ditë, unë them se kjo festë kremtohet në mënyrë madhështore në qytetin e Gostivarit, madje edhe më mirë se në Komunën ku janë të koncentruar më së shumti Romët, në Shuto Orizare. Për këtë, i jemi mirënjohës kryetarit Nevzat Bejta i cili ka mirëkuptim dhe e kupton që çka do të thotë flamuri, festa, traditat dhe doket e komunitetit Romë”, tha mes tjerash Saliu.

Krahas mbështetjet së organizimit të ceremonisë, Komuna e Gostivarit në kuadër të iniciativës Dekada e Romëve, ka realizuar shumë projekte në përmirësimin e kushteve të jetës për këtë komunitet që përbënë rreth 3 % të numrit të përgjithshëm të popullatës.

Ndër projektet e realizuara, është hapja e qendrës për zhvillim të hershëm fëmijëror në lagjen Tullana, si pjesë e iniciativës ndërmjet disa vendeve për arsim inkluziv të romëve dhe që u financua nga Qeveria e Austrisë.

Komuna e Gostivarit financon qëndrimin ditor të nxënësve të komunitetit rom në çerdhet publike të qytetit, dhe ka nënshkruar memorandum për avancimin e interesave të komunitetit Romë dhe kemi përkrahur çdo iniciativë që avancon jetën e komunitetit rom.

Më 3 tetor të vitit 2014 isha pjesëmarrës në Konferencën e lartë ndërkombëtare kushtuar komunitetit rom në Bruksel. Po ashtu, ne periudhën 2013 – 2014, për herë të parë Komuna e Gostivarit në radhët e administratës Komunale punësoi edhe dy pjesëtarë të komunitetit rom, me qëllim që të lehtësoj komunikimin me qytetarët rom të Komunës së Gostivarit.

4,702 total views, 1 views today

About Kasam Selimi

Check Also

Arbenit Xhemajli qëndron te Neuchâtel Xamax FCS

Neuchatel, më 13 Qershor 2018 Mbrojtësit kosovar, Arbenit Xhemajli i është zgjatur kontrata edhe një …

Lini një Përgjigje