Home / Lajme / Shkëndija humb bindshëm ndeshjen e parë me Milanin në San Siro

Shkëndija humb bindshëm ndeshjen e parë me Milanin në San Siro

Milano, me 17 Gusht 2017

Shkëndija ka humbur bindshëm ndeshjen e parë me Milanin në San Siro në kuadër të play offit të UEFA Europa League.

Skuadra “kuqezi” që në San Siro u paraqit me fanella të bardha nuk mundi ti rezistojë si duhet Milanit që dominojë me lojë dhe gola.
Pas dy kansojeve të rrezikshme në 10-të minutat e para vendasit gjetën epërsinë në minutën e 13-të. Një top që nuk u pastrua mirë arrinë në këmbët e Andre Silvas, i cili me një goditje të matur gjen cepin e portës së Zahovit për avantazh 1:0 të Milanit. Shkëndija do të kanosej në minutën e 23-të përmes Abdurahimit, mirëpo e djathta e tij shkoi pak mbi portë. Vendasit do të gjenin golin e dytë në minutën e 25-të kur Zahov ndal për mrekulli një goditje dënimi, mirëpo në topin e dëbuar arrinë Montolivio që relizon për 2:0. Tre minuta më vonë Zahov pëson golin e tretë kur Andre Silva tregohet insistues në zonë duke dalë i vetmuar para portës para se të realizojë me qetësi golin e dytë personal në këtë takim. Në fund të pjesës së parë dhe në fillim të të dytë me pritje vendimtare u shfaq Zahov që shpëtoi raste të pastërta. Kur kaloi një orë lojë Shkëndija filloi të rrezikojë portën vendase, mirëpo dy herë goditjet e Ibraimit, ndërkohë në të 65-ën Donaruma pret mrekullisht tentimin e Radeskit me kokë. Kur Shkëndija nuk arriti të shënojë, Milani solli dy gola tjerë. Fillimisht Borini realizoi për 4:0 në minutën e 67-të, ndërsa dy minuta më vonë Antoneli çoi shifrat në 5:0. Shkëndija megjithëse në momente arrinte të ulë topin, megjithatë vendasit vazhdonin të krijojnë mundësi shënimi dhe pas disa rasteve të humbura, në minutën e 85-të Montolivio me golin e dytë personal çon shifrat në 6:0, që në fund u tregua të jetë rezultat përfundimtar i takimit.

MILAN-SHKËNDIJA 6:0 (3:0)
Stadiumi San Siro në Milano
Shikues: 37 000
Arbitër: Harald Lechner (Austri)
Arbitra anësorë: Andreas Heidenrich dhe Maximilian Kolbitsch (Austri)
Delegat: Tormod Larsen (Norvegji)
Kontrollor i arbitrave: Sokol Jareci (Shqipëri)
Golashënues: Silva 13′ dhe 28′, Montolivio 25′ dhe 85′, Borini 67′, Antoneli 69′ (Milan)
Kartona të verdhë: Bonaventura (Milan), ndërsa Cuculi (Shkëndija)
Karton i kuq:
MILAN: Donnaruma, Suso (Crutone 75′), Silva, Çalhanoglu (Bonaventura 61′), Borini, Conti (Abate 70′), Zapata, Montolivio, Bonucci, Antonelli, Kessie.
Trajner: Vincenzo Montella
SHKËNDIJA: Zahov, Bejtullai, Alimi, Cuculi, Totre, Hasani, Çelikoviç (Teqja 65′), Radeski (Shefiti 82′), Todorovski, Abdurahimi (Bojku 70′).
Trajner: Qatip Osmani

1,725 total views, 1 views today

About Kasam Selimi

Kasam Selimi është Gazetar Profesionit, i Diplomuar në Universitetin e Tetovës në Degën e Gazetarisë dhe në Institutin e Mediave të Maqedonisë. Është Anëtar i Shoqatës së Gazetarëve të Maqedonisë SHGM. Gjithashtu është edhe Anëtar i Federatës Ndërkombëtare të Gazetarëve (IFJ). Është i Regjistruar edhe i pranuar si përfaqësues sportiv nga Federata Evropiane e Futbollit UEFA, (F.A.ME) platform. Kasam Selimi është Ideator dhe Themelues i Dritares së parë Informative në gjuhën Shqipe në Gostivar RADIO VALA. Për herë të parë me gazetari ka filluar të merret në vitin 2005 si praktikant në Radio Gostivar, ndërsa nga viti 2007 aktivisht punon si Gazetar.

Check Also

Gërmadhat dhe mbetjet u shndërruan në Investim prej 6 milion Euro dhe 100 vende pune në Gostivar

Gostivar, me 27 Gusht – 2015Hapet Qendra Tregtare ETC në Gostivar 2 Në mënyrë solemne …

Lini një Përgjigje