Home / Gostivar / Bejta takoi banorët e Llakavicës, Turçanit dhe Çajlës, Infrastruktura moderne shtylla e parë drejt Gostivarit të Nesërm (Video)
????????????????????????????????????

Bejta takoi banorët e Llakavicës, Turçanit dhe Çajlës, Infrastruktura moderne shtylla e parë drejt Gostivarit të Nesërm (Video)

Gostivar, me 12 tetor – 2017
Kryetari i Komunës dhe njëkohësisht kandidati për Gostivarin z. Nevzat Bejta, thotë se infrastruktura, ashtu si ka qenë përparësi në përmirësimin e Gostivarit, do të vazhdojë të jetë përparësi në mandatin e ardhshëm.
Në takimet e tij me qytetarët e Llakavicës, Turçanit të madh, Çajlës së re dhe të vjetër, Bejta tha se infrastruktura ka ndihmuar që Gostivari të jetë më tërheqës për investimet dhe se është krenar për punën e bërë së bashku me qytetarët.
“Së bashku po mbyllim me sukses rrugëtimin e këtyre katër viteve, për të nisur një rrugëtim drej të tjera arritjeve. Para katër vitesh na bashkoj një ëndërr e përbashkët: të shihnim qytetin tonë të zhvilluar. Prandaj, së bashku punuam dhe hodhëm themelet e Gostivarit që kemi sot. Me infrastrukturën si prioritet filluam të shtronim rrugë e të bënim kanalizime në qytet e fshatra. Shtuam ndriçimin dhe ndërtuam urën e re, duke përmirësuar komunikacionin dhe pamjen qytetit”, tha Bejta.
Kryetari Bejta u shpreh se një rrugëtim do të nisë, me infrastrukturën jo vetëm si prioritet, por si shtylla e parë drejt Gostivarit të Nesërm. Ai tha se janë paraparë tre projekte ambicioze që do të zbatohen që në fillim.
“Tani nuk do të ndalemi, por do të zbatojmë projektet ambicioze të ndërtimit të rrjetit të ri të ujësjellësit, të sheshit të ri të qytetit dhe urës së katërt mbi lumin Vardar. Së bashku do të shtrojmë rrugë dhe do të rregullojmë trotuaret, do të rikonstruktojmë fasadat e shtëpive në zonën qëndrore të qytetit e do të vijojmë me pastrimin dhe rregullimin e shtretërve të lumenjve dhe prenjëve si edhe do të organizojmë transportin publik,” tha Bejta.
Kandidati Bejta theksoi rëndësinë e zhvillimeve në infrastrukturë jo vetëm për përmirësimin e qytetit, por mbi të gjitha për tërheqjen e investitorëve, drejt përmirësimit të ekonomisë lokale dhe punësimit.
“Gostivari i Nesërm do të jetë një qytet edhe më tërheqës për banorët dhe turistët, por mbi të gjitha për bizneset vendase dhe të huaja. Investimet e tyre do të ndikojnë drejtpërdrejt në zhvillimin e ekonomisë dhe shtimin e punësimit. Me punë do të realIzojmë Gostivarin e Nesërm,” u shpreh Bejta.
Zgjedhjet lokale do të zhvillohen ditën e dielë, 15 tetor 2017-të. Kandidati Nevzat Bejtamban numrin 3 të partisë së tij BDI në fletën e votimit.

3,290 total views, 1 views today

About Kasam Selimi

Kasam Selimi është Gazetar Profesional, i Diplomuar në Universitetin e Tetovës në Degën e Gazetarisë dhe në Institutin e Mediave të Maqedonisë.

Është Anëtar i Shoqatës së Gazetarëve të Maqedonisë SHGM. Gjithashtu është edhe Anëtar i Federatës Ndërkombëtare të Gazetarëve (IFJ).
Është i Regjistruar edhe i pranuar si përfaqësues sportiv nga Federata Evropiane e Futbollit UEFA, (F.A.ME) platform.

Kasam Selimi është Ideator dhe Themelues i Dritares së parë Informative në gjuhën Shqipe në Gostivar RADIO VALA dhe Faqes së Parë Sportive Shqiptare në Zvicër, ALBSPOR.CH

Check Also

Video Paralajmëruese për ndeshjen Zvicër – Shqipëri, femrat (Video)

Biel/Bienne, me 21 Nëntor 2017 Të Martën e ardhshme, me 28 Nëntor 2017, në Stadiumin …

Lini një Përgjigje