Breaking News
Home / Lajme / Derbi i Cyrihut me 7 futbollistë shqiptarë në fushë, shënon Domgjoni, asiston Kololli, fiton FC Zürich-u
Foto: Keystone/FCZ
Foto: Keystone/FCZ

Derbi i Cyrihut me 7 futbollistë shqiptarë në fushë, shënon Domgjoni, asiston Kololli, fiton FC Zürich-u


E Diel, me 10 Shkurt 2019

Takimi i javës së 20-të të Super Ligës së Zvicrës në Futboll, solli derbin e madh të qytetit të Cyrihut, midis FC Zürich-ut dhe Grasshopper Club Zürich-ut. Takimin e fitoi ekipi “vendas”, Bardh e Kaltër, me rezultat 3:1.

Interesante ishte fakti që në këtë përballje të zjarrtë, nga nëntë futbollistë shqiptarë që luajnë në të dyja ekipet, 7-të prej tyre u aktivizuan në këtë përballje, njofton albinfo.ch, përcjellin radiovala.com dhe albsport.ch

Fitoren së FC Zürich-ut e ndihmuan futbollistët shqiptarë, Toni Domgjoni me golin e tij, në minutën e 85-të dhe Benjamin Kololli me asistim në minutën e 7-të për golin e Levan Kharabadze-s.

Benjamin Kololli, Toni Domgjoni dhe Hekuran Kryeziu edhe në këtë sfidë ishin fillestar te FC Zürich-u, kurse në fund të takimit është inkuadruar edhe Mirlind Kryeziu. Lavdim Zumberi ishte vetëm “rezervist”. Grasshopper Club Zürich-u ndeshjen e nisi vetëm me një futbollistë shqiptar, Nedim Bajramin, për të inkuadruar më pas në lojë edhe Shani Tarashajn dhe Gjelbrim Taipin. Meriton Kastrati sikurse Zumberi ishte vetëm i përzgjedhur në bankën rezervë.

@Kasam Selimi

@radiovala.com

@albinfo.ch

@albsport.ch

Foto: Keystone/FCZ

12,160 total views, 2 views today

About Kasam Selimi

Check Also

FC Iliria për herë të dytë e fiton Kupën e Solothurn-it në Futboll (Foto)

Zhuchwill (SO), me 30 Maj 2019 FC Iliria për herë të dytë në historinë e …

Këtë e pëlqejnë %d blogues: