Breaking News
Home / Lajme / Jo vetëm meshkujt, shënojnë Kristina Maksuti dhe Florijana Ismaili në Zvicër

Jo vetëm meshkujt, shënojnë Kristina Maksuti dhe Florijana Ismaili në Zvicër


E Diel, me 10 Shkurt 2019

Kristina Maksuti dhe Florijana Ismaili, dy futbollistet shqiptare me më shumë gola në Ligen e Femrave të Futbollit në Zvicër, raundin kthyes të sezonit 2018/19, e kanë nisur me gola me ekipet e tyre, njofton albinfo.ch, përcjellin radiovala.com dhe albsport.ch.

Makusti e ka shënuar golin e fitores 1:2 për ekipin e FC Lugano Femminile, në minutën e 50-të, në takimin kundër Basel-it. Anila Bytyqi nuk është aktivizuar aspak në këtë takim për ekipin nga kantoni i Ticino-s. Te ekipi vendas, Vanesa Hoti ishte e inkuadruar në lojë deri në minutën e 76-të të takimit.

Florijana Ismaili, kapitenia e BSC Young Boys-it, edhe në ndeshjen e parë zyrtare të vitit 2019, ka shënuar gol për ekipin e saj. Ismaili e rriti epërsinë në minutën e 41-të në 2:0 për ekipin e saj nga Berna. BSC YB-ja fitoi 3:1 FC Yverdon Féminin-in. Përveç Florijanës, te YB-ja 75 minuta zhvilloi edhe futbollistja tjetër shqiptare, Mimoza Hamidi. Qëndresa Krasniqi nga ana tjetër te ekipi i Yverdon luajti nga fillimi e deri në fund të takimit.

Ndeshja FC Zürich Frauen – Servette FC Chênois Féminin, nuk është zhvilluar për shkak se shumë futbolliste te ekipit mysafir kanë qenë të sëmura.

Në javën e 15-të të NLA Ligës së Femrave në Futboll janë arritur këto rezultate:

BSC Young Boys – FC Yverdon Féminin 3:1

FC Basel 1893 – Lugano Femminile 1:2

FC Luzern – Grasshopper Club Zürich 3:0

@Kasam Selimi

@radiovala.com

@albinfo.ch

@albsport.ch

 12,719 total views,  1 views today

About Kasam Selimi

Check Also

(Video) Zejdan Alili, futbollist në Gjermani, flet për emisionin Sporti Shqiptar në Mërgim

Sporti Shqiptar në Mërgim (26) bashkëbisedim me Zejdan Alilin, Futbollist në SV 1950 Büchelberg e.V. …

Këtë e pëlqejnë %d blogues: