Breaking News
Home / Lajme / Gostivar / U përurua terreni i sporteve në fshatin Reçan, banorët falënderues për kryetarin Nevzat Bejta

U përurua terreni i sporteve në fshatin Reçan, banorët falënderues për kryetarin Nevzat Bejta

Gostivar, me 29 Tetor – 2016

Banorët e fshatit Reçan kanë fituar terrenin e ri sportiv. Kryetari i Komunës së Gostivarit, z. Nevzat Bejta i shoqëruar nga shefi i kabinetit, z. Bashkim Hasani dhe ish deputeti Jamin Sinani i cili është nga ky fshat, bashkë me banorët lokal inauguruan terrenin e ri sportiv të ndërtuar në periferi të fshatit.

Kryetari Nevzat Bejta tha që në këtë mandat prioritet ka qenë ndërtimi dhe restaurimi i terreneve sportive në vendbanimet e Gostivarit.

”Jemi në fshatit Reçan. Banorët dhe kryesisht rinia e fshatit vazhdimisht kanë kërkuar ndërtimin e një fushë sporti në fshatin e tyre të lindjes. Pasi bëmë asfaltimin e rrugës, ramë dakord bashkë me banorët e fshatit që ta ndërtojmë fushën e sportit. Sot kemi ardhur këtu ta lëshojmë në përdorim. Është bërë një terren me standarde dhe besoj që tashmë banorët, rinia dhe fëmijët kanë vendin e duhur për të ushtruar aktivitetet sportive”, tha kryetari Nevzat Bejta.

Ish deputeti Sinani, potencoi që ndërtimi i terrenit sportiv ka qenë kërkesë e kahmotshme e banorëve të fshatit Reçan, dhe shprehu kënaqësinë e tij që tashmë kjo kërkesë e tyre u bë realitet.

“Bashkë me kryetarin e Komunës, z. Nevat Bejta bëjmë hapjen solemne të terrenit sportiv që do të shfrytëzohet nga rinia dhe banorët e fshatit Reçan për sporte të ndryshme. Besoj që terreni do të shfrytëzohet edhe nga nxënësit e shkollës fillore të fshatit për të bërë aktivitetet e edukatës fizike. Ishte një nevojë dhe kërkesë e kahmotshme e banorëve të fshatit Reçan që të kenë një fushë sportive, por për fat të keq nuk ishte realizuar me vite. Gëzohem që sot po e përurojmë këtë terren sportiv”, tha ish deputeti i zonës, Jamin Sinani.

Banorët e fshatit Reçan u shprehën tejet të kënaqur nga ky dhe investimet e tjera që kreu Komuna e Gostivarit në vendbanimin e tyre. Ato njëzëri thanë se terreni i ri sportiv do të jetë shumë i dobishëm për banorët dhe veçmas rininë dhe fëmijët e fshatit.

Terreni sportiv është pajisur me rrethoje, ndriçim si dhe pajisje për futboll dhe basketboll. /Radio Vala

1,834 total views, 2 views today

About RV2

Check Also

(Video) Karateistet Alma Pollozhani, Drenusha dhe Diellza Sejdijaj në emisionin Sporti Shqiptar në Zvicër

Grenchen, me 27 Janar 2020 Për herë të parë në emisionin javor Sporti Shqiptar në …

Lini një Përgjigje

Këtë e pëlqejnë %d blogues: