Breaking News
Home / Lajme / Inspektoriati i Mjedisit të Jetesës vendosi që të mbyllë Jugohromin

Inspektoriati i Mjedisit të Jetesës vendosi që të mbyllë Jugohromin

Tetovë, 1 nëntor 2016
Inspektorati Shtetëror për Ekologji nën varësi të Ministrisë për Ambient Jetësor, duke konstatuar mospërmbushjen e kritereve për instalimin e filtrave, deri në afatin e paraparë që buron nga vendimi i Qeverisë së Republikës së Maqedonisë, ka marrë vendim që të shqiptojë masën e ndalimit me punë të kombinatit “Jugohrom”.
Për këtë vendim Ministri i Ambientit Jetësor dhe Planifikimit Hapësinor, Bashkim Ameti sot e informoi krytearen e komunsë së Tetovës, Teuta Arifi me të cilën u takua në ndërtesën e komunës së Tetovës.
Sipas ministrit Ameti ky vendim është sjellë në pajtim me rregullativat ligjore dhe vendimet e mëparshme që e detyrojnë këtë kombiant deri më sot të vendosë sistemin e filtrimit.
“Edhe pse për këtë vendim nuk ka pajtushmëri nga të gjitha palët e prekura, megjithatë inspektoriati ka proceduar sipas ligjeve pozitive të Republikës së Maqedonisë. Nuk ka qenë e lehtë që të inicohet një vendim i tillë duke pasur parasysh komponentin social dhe rëndësinë që ka puna e këtij kombinati për të punësuarit në fabrikë megjithatë për ne para gjithçkaje ka rëndësi shëndeti i qytetarëve, deklaroi Ameti.
Për Arifin një vendim i tillë i inspektoriatit është në pajtim me qëndrimet e tyre se mbyllja e punës së Jugohromit në këtë periudhë të vitit do të kontribuojë për ajër më të pastër në rajon.
Në bazë të dispozitave juridike, konform rregullativës ligjore, Arifi thekson se Komuna e Tetovës ka shprehur qartë edhe më herët qëndrimin që merr për bazë në radhë të parë shqetësimin e banorëvë të Pollogut, që nënkupon instalimin e filtrave nga ana e kombinatit “Jugohrom” si dhe rregullimin e statusit të punëtorëve duke i subvencionuar ata nga ana e Qeverisë së RM-së, zgjidhje kjo që ka në konsideratë edhe statusin social të punëtorëve të këtij kombinati.
“Si autoritete e përshëndesim vendimin e organeve shtetërore për të vepruar konform ligjit dhe vullnetit të qytetarëve të Pollogut”, thekson Arifi .
Vendimi përfundimtar për pezullimin e punës së Jugohromit respektivisht procedurimit sipas kësaj kërkese të inspektoriatit shtetëror për mjedisin e jetesës duhet që ta miratojë Qeveria si organ kolektiv në seancën e saj.
Para dy viteve drejtoria e Jugohromit nga Qeveria ka marrë vazhdimin e afatit për vendosjen e sistemit të filtrimit duke përfshirë ditën e sotme. Drejtori i përgjithshëm i Jugohromit, Vasko Skendervoski theksoi se filluan me punët ndërtimore për një sistem të tillë dhe se kanë humbur shumë kohë në marrjen e lejeve të nevojshme për ndërtim. Nga Jugohromi është kërkuar vazhdimi i afatit për vendosjen e sistemit të filtrimit për 18 muajt e ardhshëm. /Radio Vala

 1,292 total views,  2 views today

About RV2

Check Also

(Video) Bashkëbisedim me Besim Bublicën, Drejtor Sportiv në FC Dardania Basel, Sporti Shqiptar në Zvicër 25

Sporti Shqiptar në Zvicër, bashkëbisedim me Besim Bublicën, Drejtor Sportiv në FC Dardania Basel Autor …

Lini një Përgjigje

Këtë e pëlqejnë %d blogues: