Breaking News
Home / Lajme / Kryetari i BDI-së Ali Ahmeti u takua me eurodeputetin Knut Flenkeshtajn

Kryetari i BDI-së Ali Ahmeti u takua me eurodeputetin Knut Flenkeshtajn

Shkup, 4 Nëntor 2016
Kryetari i Bashkimit Demokratik për Integrim Ali Ahmeti ka qëndruar sot në selinë e BE-së në Shkup, ku ka realizuar takim me Eurodeputetin Knut Flenkeshtajn, në rolin e negociatorit të ri, pjesë e treshës europarlamentare, zëvendësues i Riçard Hovitit.
Ahmeti dhe Flenkeshtajn diskutuan për gjendjen politike dhe mbajtjen e zgjedhjeve të 11 dhjetorit bashkë me detyrat e rëndësishme reformuese pas zgjedhjeve, pa lënë anash integrimin e Maqedonisë në NATO dhe BE si dhe përmbylljen e proceseve që rrjedhin nga Marrëveshja e Ohrit.
Kryetari i BDI-së theksoi se partia e tij angazhohet për mbarëvajtjen e zgjedhjeve të 11 dhjetorit dhe realizimin e një procesi të besueshëm, demokratik, pa frikësime dhe kushtëzime.
Ahmeti thekson se prioritet i partisë mbetet mirëqenia e qytetarëve, e cila arrihet në partneritet me miqtë ndërkombëtar, nëpërmjet të zgjidhjes së çështjeve të hapura me fqinjtë, anëtarësimit në NATO dhe nisjen e bisedimeve me BE-në, sundimi i qëndrueshëm të ligjit, reforma sistemore, si dhe përmbyllje të barazisë së plotë qytetare në përputhje me Marrëveshjen e Ohrit.
Lideri i BDI-së, Ahmeti kërkoi ndihmën e BE-së për t’i përmbyllur këto procese ndërsa BDI mbetet partner i komunitetit EuroAalantik në arritjen e qëllimeve tona të përbashkëta. /Radio Vala

970 total views, 1 views today

About RV2

Check Also

(Video) Karateistet Alma Pollozhani, Drenusha dhe Diellza Sejdijaj në emisionin Sporti Shqiptar në Zvicër

Grenchen, me 27 Janar 2020 Për herë të parë në emisionin javor Sporti Shqiptar në …

Lini një Përgjigje

Këtë e pëlqejnë %d blogues: