Breaking News
Home / Lajme / Elezi në konferencë për rolin e grave në marrjen e vendimeve në nivel lokal

Elezi në konferencë për rolin e grave në marrjen e vendimeve në nivel lokal

Shkup, 7 nëntor 2016
Ministrja e Vetëqeverisjes Lokale Shiret Elezi sot në Тetovë mori pjesë në konferencën “Roli i grave në marrjen e vendimeve në nivel lokal”, në organizim të Lobit rajonal të gruas për paqe, siguri dhe drejtësi në Evropën Juglindore.
Elezi, siç thuhet në kumtesën e Ministrisë së Vetëqeverisjes Lokale, në fjalimin e saj theksoi se edhe krahas masave të ndërmarra, para së gjithash masave normative, gjendja reale në vendet e Ballkanit, çështjet që u dedikohen barazisë gjinore i mban të hapura dhe aktuale.
Disa vlera tradicionale, sipas Elezit, ngadalë por sigurt po u lënë vend vlerave demokratike, të themeluara si të drejta universale të njeriut, ndërsa në Maqedoni mundësitë e barabarta midis burrave dhe grave janë ngritur në nivel të Ligjit, që do të thotë se shteti u ka dhënë prioritet çështjeve gjinore.
“Me procesin e decentralizimit në Republikën e Maqedonisë çështjet kryesore që janë të lidhura me cilësinë e jetesës, siç janë arsimi fillor dhe i mesëm, kopshtet e fëmijëve, kujdesi social për fëmijët dhe të moshuarit, veprimtaritë komunale, zhvillimi lokal, kultura, sporti masiv dhe çështje të tjera janë kompetencë lokale, që duhet të jetë sfidë e madhe që gratë të inkuadrohen në krijimin e politikave publike edhe në vendosjen në nivel lokal. Kuotat e listave të kandidatëve është vetëm një prej zgjidhjeve. Mënyra tjetër është senzibilizimi i vazhdueshëm i grave, përmes rolit të qytetareve aktive në proceset e konsultimit”, tha Elezi.
Sipas Elezit, posaçërisht ëdhtë i rëndësishëm bashkëpunimi për ngritje të vetëdijes publike në bashkësitë rurale lokale ku prezenca aktive e grave është jashtëzakonisht më i vogël edhe në bashkësitë e përziera etnike, ku çdoherë theksi është vendosur në çështjet etnike në llogari të gjinive.
“Pa qëllim për favorizim gjinor të cilësive të gruas, është e pakontestueshme se bota në të cilin balanci natyror do të reflektojë edhe në rolet shoqërore, sigurisht se do të ishte vend më i mirë për të jetuar. Jam e bindur se me pjesëmarrje të madhe të gruas në sferën publike, si marrës të vendimeve, jeta në bashkësitë lokale do të ishte më cilësor, më i organizuar, më human, më i harmonizuar në bazë etnike, gjinore dhe të moshës”, thotë në fjalimin e saj ministrja e Vetëqeverisjes Lokale. /Radio Vala

 930 total views,  1 views today

About RV2

Check Also

(Video) Bashkëbisedim me Besim Bublicën, Drejtor Sportiv në FC Dardania Basel, Sporti Shqiptar në Zvicër 25

Sporti Shqiptar në Zvicër, bashkëbisedim me Besim Bublicën, Drejtor Sportiv në FC Dardania Basel Autor …

Lini një Përgjigje

Këtë e pëlqejnë %d blogues: