Breaking News
Home / Lajme / Merkel, Stoltenberg, Kurz në Maqedoni, Zaev: Mbështetje e fuqishme për ne

Merkel, Stoltenberg, Kurz në Maqedoni, Zaev: Mbështetje e fuqishme për ne

Ajo që tre burrështetas botërorë këtë javë do të vijnë në Maqedoni është edhe një sinjal pozitiv, mirënjohje dhe mbështetje për vendin tonë, tha kryeministri dhe kryetar i LSDM-së, Zoran Zaev në tribunën e djeshme në Berovë.

Zaev e paralajmëroi vizitën e sekretarit të përgjithshëm të NATO-s Stoltenberg, të kancelares gjermane Merkel, si dhe të kancelarit austriak Kurc.

“Të mërkurën vjen Stoltenberg, për herë të dytë në gjashtë muaj, të premten kancelari austriak Kurc, ndërsa të shtunën Merkel. Ardhja e tre burrështetasve botërorë është mirënjohje për Maqedoninë, sinjal pozitiv. Ata na e shtrijnë dorën që të shkojmë përpara”, theksoi kryeministri.

Sipas tij, edhe opozita është e vetëdijshme se ky është momenti për BE-në dhe NATO-s, moment kur të gjithë, siç ceki, duhet të jemi së bashku dhe të bashkohemi për Maqedoninë evropiane.

Zaev foli edhe për mbështetjen financiare që ia jep BE-ja Maqedonisë. Potencoi se në disponim janë miliarda euro deri në vitin 2020, por do të na ndahen nëse referendumi është i suksesshëm dhe nëse vendi vazhdon rrugës evropiane.

Kryetari i komunës së Berovës, Zvonko Pekevski theksoi se janë shfrytëzuar para të BE-së dhe se ajo praktikë mund të vazhdojë vetëm me anëtarësimin e vendit në BE që do të konfirmohet me referendum të suksesshëm.

Para tribunë në Berovë, Zaev ishte në takim me qytetarë në Pehçevë.

323 total views, 1 views today

About RADIO VALA Redaksia

Check Also

Kristina Makusti dhe Anila Bytyqi meritore për fitoren e lartë të vajzave nga Lugano

E Hënë, me 3 Dhjetor 2018 Përpos Kristina Maksutit që shënon pothuaj se çdo javë, …

Këtë e pëlqejnë %d blogues: