Breaking News
Home / Lajme / E humbëm yllin tonë të veçantë, Florijana Ismailin

E humbëm yllin tonë të veçantë, Florijana Ismailin

Bern, me 2 Korrik 2019

Në moshën 24 vjeçare, është ndarë nga jeta Florijana Ismaili, futbollistja shqiptare e klubit nga Berna, BSC Young Boys-i dhe përfaqësues së Zvicrës në futboll.

Me 29 Qershor, Florijana u zhduk në liqenin e Como-s në Itali, ndërsa trupi i saj i pajetë u gjet me 2 Korrik.

Florijana ishte kapitene në ekipin e Young Boys-it dhe nga futbollistet më të dalluara. Për tre vite u shpall në formacionin e ligës së futbollit të femrave në Zvicër.

Me përfaqësuesen e Zvicrës, debutoi në vitin 2014 dhe në vitin 2015 mori pjesë në Kampionatin Botëror në Kanadë. Do të veçojmë ndeshjen me 28 Nëntor të vitit 2017, kundër Shqipërisë, ndeshje kjo e veçantë për Florijanën e cila luante përballë vajzave të kombit të saj, kombëtares Shqiptare. Në këtë takim të zhvilluar në Biel të Zvicër, Florijana Ismaili shënoi dy gola për helvetikët.

Familja e Florijana Ismaili është nga Lugina e Preshevës, ndërsa në Zvicër jeton në Bern. Çmimi i fundit për Florijanën ishte nga Këshilli Kombëtar i Shqiptarëve të Luginës, të cilët i ndanë çmimin Ambasadore e Luginës.

Në emër të dy portaleve informative www.radiovala.com dhe albsport.ch, shprehim ngushëllime familjes Ismaili, për humbjen e të bijes.

@RadioVala.com

@Albsport.ch

@Kasam Selimi

15,877 total views, 44 views today

About RADIO VALA Redaksia

Check Also

FC Iliria sonte kërkon kualifikimin për gjysmëfinale të Kupës

Solothurn, me 26 Mars 2019 Sonte në mbrëmje, FC Iliria në fushën e Fulenbach-ut, do …

Këtë e pëlqejnë %d blogues: