Një delegacion nga Komuna e Gostivarit qëndroi për vizitë në Dragash të Republikës së Kosovës

Dragash, me 12 Prill – 2016

Në kuadër të projektit “Turizmi-derë e hapur për bashkëpunim ndërkufitar”, një delegacion i Komunës së Gostivarit i udhëhequr nga kryetarim Nevzat Bejta vizitoi Komunën e Dragashit në Republikën e Kosovës.

Me këtë rast, kryetari Nevzat Bejta pati takim me kryetarin e Komunës së Dragashit, Salim Jenuzi, ndërkohë që mbajti fjalim edhe në hapjen e panairit të gastronomisë dhe turizmit.

“Më lejoni që në emrin tim personal dhe në emrin e qytetarëve të Komunës së Gostivarit të ju falënderoj për mikpritjen vëllazërore, ndërsa juve pjesëmarrësve në këtë panair të ju dëshiroj ditë sa më të frytshme dhe bashkëpunim sa më të madh në mes të bizneseve. Të nderuar qytetar të komunës së Dragashit, dita e sotshme është e një rëndësie të veçantë për komunën e Dragashit dhe komunën e Gostivarit. Është hera e parë që komunat tona organizojnë një eveniment të tillë në të cilin marrin pjesë prodhues vendor si dhe agjenci turistike. Çelësi i suksesit në prodhimtari është promovimi. Rëndësia afatgjate e këtij panairit është shumë e madhe për ekonomitë e të dy komunave. Megjithatë, ky nuk është synimi i vetëm i këtij panairi”, tha kryetari Nevzat Bejta.

Muajin e kaluar, tha kryetari Nevzat Bejta, u themelua Rrjeti ndërkufitar për eko turizëm në të cilin rrjet marrin pjesë pikërisht bizneset që sot e kanë fjalën kryesore këtu.

“Uroj që ky rrjet dhe kjo mënyrë e organizimit me qëllim të promovimit të prodhimeve vendore dhe atraksioneve turistike të vazhdon të jep fryte edhe në të ardhmen. Të nderuar prodhues vendor të Komunës së Dragashit dhe Komunës së Gostivarit. Krijimi i një linku të qëndrueshëm me instrumente për promovim të ofertës së përbashkët në të dy anët e kufirit është jetike për ju e posaçërisht për ata që pranojnë shërbimet dhe prodhimet e juaja. Andaj, le të jetë dita e sotshme hapi i pari i rrugëtimit të gjatë që të gjithë ju së bashku duhet ta bëni në të ardhmen”, shtoi kryetari Nevzat Bejta, duke falënderuar Delegacionin e Bashkimit Evropian të cilët financuan këtë projekt kaq të rëndësishëm për dy komunat, si dhe nikoqirin kryetarin e Komunës së Dragashit. z. Salim Jenuzi për punën e shkëlqyer të realizuar brenda kohës.

Në Panairin e gastronomisë dhe turizmit”, morën pjesë prodhues vendor, tur-operator dhe përfaqësues të sektorit të biznesit nga të dyja komunat, të cilët ekspozuan prodhimet e veta.

Projekti është financuar nga IPA fondet e BE-së. /Radio Vala

12_04_2016_gostivar_dragash

 1,062 total views,  1 views today

About Kasam Selimi

Check Also

(Video) Renova në pritje të sfides europiane, Islami: Jemi mirë të përgatitur

Yerevan, me 26 Gusht 2020 KF Renova ka mbërritur në kryeqendrën e Azerbajxhanit në Yerevan. …

Lini një Përgjigje

Këtë e pëlqejnë %d blogues: